Per l'Egeria que me butèt aquí, sus la tèla,

Quand vendràs vièlha un ser a la candèla,

Te trufaràs pas pus del paure de ieu, Ò malonèsta!

Que te caldrà cavalcar lo teu de monta-mameta!



dimanche 7 octobre 2012

Qué fas?


Escota-me brave mond !

Pòtafin o Lecaplats,
Lèvafauda e Lecacuol,
Despenjafigas o Cambacort,
Paucparla o Parla-solet,
Despiucelaire-de-noiriga e Cuolcossut,
Qual-Sabètz e Soldat-desconegut,
Brandacoeta o Fretamonilh,
Tubaire-de-cambe e Cambatòrt,
Tiracometa e Picamòtas,
Gostasolet, Gacha-empega,
Badapetancaires,
Tòcamanetas, Tòcapisson o Tòca-la-bomba,
Cuolpolit, Pòtagròs e Morre-lord,
Chucavin e Tetafiòlas.


Ausís-me,

Manja-bon-Dieu, Manja-capelan e Manja-quand-n'a,
Bramafam o Grand-gosièr,
Passa-que-t'ai-vist e Pesolh-revengut, Vistaflac,
Fug-l'òbra,
Escanagalina e Galbralhat,
Naslevat o Aclapamòrt,
Tastapinhòla o Petacandèlas,
Secafetge e Fetgedur,
Colcavestits e Cochacotilhons, Cauçalong,
Extraterranenc e Pèterrós,
Cuol-de-fusta o Cuoltondut, Pissafreg,
Pèlroge, Morrenegre e Blanca-pèl,
Mòrt-nat o Sauvaraça !
Vièlh jovenòme, Joan-femneta,


Entend-me,

Trucataulièr e Ritz-quand-plòu,
Sòt-bogre,
Capplumat, Sucpelat e Barbalong,
Cagasec o Pissaprim, Cagamessòrga e Pissavinagre,
Torcapapièrs,
Crebapaure o Paucval,
Cuolbenesit e Mariamèca,
Cuolnus e Negravestida,
Sautaròcs, Sautabartàs, Sautabaranhas,
Tustaboisses e Cercabregas,
Fan-coma o Curatrast,
Galabontemps e Bicafreja,
Marcamal e Malpensa, Malmaridat,
Gastacamin,

Contra tu, Ò mon pòble, vòli maissar un còp de mai !
N'i a pro de badar las figas e de se la passar doça sens soscar a deman. La veses pas venir la darrièra crosada que te forabandís de ton país ?
Qué fas de çò que te demòra de ta tèrra, pòble Sarradenièr e Esquichabonheta ?
Qué fas de ta lenga, pòble Parlaponchut, rascladura vergonhosa de raca-vomit aparisenquida ?
Qué fas de ton èime, diga, Joan-Colhon?

Mas qu'espèras per te quilhar dins tas espèrras e faire un pet a la luna !!! 

2 commentaires:

  1. La minuta pessimista : plan brave se son pas contra...
    Fin de la minuta pessimista (mas n'i a que m'encanissan grèu pel moment)

    RépondreSupprimer
  2. Siái un pauc coma tu, entre los moligasses que pas res pòt bolegar e los afogats que s'entretuan, d'aquela passa sabi pas tròp ont penjar mon lum.
    Desaise...

    RépondreSupprimer