Que quauqu'un m'explique !
Las diférencias que i a entre las doas fotòs, levat que son estadas presas a detz quilomètres de distància dins detz minutas de temps.
E ben sètz pas fòrts, es simple, i a un panèl qu'es legal e l'autre qu'es fòra lei, n'i a un que fa empacha al còdi de la rota e l'autre pas.
Paure de ieu, aquela puta de còdi que patiguèri tant e maites per l'encapar, i comprèni pas res pus. Siái pas qu'un ase, un paure ase, cap e tot (òc-ben e tot!). E es per aquò qu'anirai manifestar lo dotze de decembre amb totes los autres ases que sètz, amb tota la borricalha d'occitània, e benlèu amb de bretons caparruts, de còrses un pauc clòscas, de fraires catalans búrros e espèri que lo tropèl serà bél !
Aubora-te raça asina,
Jos lo Sant-Clame dau solelh,
N'i pro de plegar l'esquina,
lo temps dau gal s'acaba lèu !
Onestament, d'aprep lo jutjament de Montpelhier, lo prumier me sembla illegau maitot. Mas, coma degun se'n vai planher, lo farem pas levar.
RépondreSupprimer'Na granda partida daus paneus, subretot los publicitaris, son illegaus. Mas tant que degun gula...