Per l'Egeria que me butèt aquí, sus la tèla,

Quand vendràs vièlha un ser a la candèla,

Te trufaràs pas pus del paure de ieu, Ò malonèsta!

Que te caldrà cavalcar lo teu de monta-mameta!



vendredi 19 novembre 2010

Barradura setmanièra.

Avis a la practica,

En causa d'una espelison tardiva de las caramilhas dins mas garrigas,
LO BLÒG SERÀ BARRAT PER UNA SETMANA, o benlèu mai, lo temps de dintrar la culhida.

Per tota urgéncia mercé de consultar mos confraires:
- Se presentatz los simptòmas d'una "rugbititi": enveja de fotre un dròp dins lo chinet pomponat e penchenat de la vesina o d'aplatussar lo vòstre nenon bramaire dins un canton de la sala de manjar après aver passat, d'un bestorn folzejant, la vòstra femna que s'entrepausava:
- Se de tocar l'agland vos prusís, amai las ficèlas, se vos sentissètz solet a portar banas, se dobtatz de vòstre biais e de vòstre coratge benlèu que groatz una "sanquilhiti" aguda, malautiá dau buòu que se transmét a l'òme e que son fogal infecciós es la pichòta Camarga:
- En cas de raumàs o d'ipersensibilitat lagremala deguda a una "dassinomania" non assumida complicada per una fèbre de chival:
- Una anorexia de comprenèla, un regim? amagrissent, grossissent? sens carn, sens peis, sens òli, sens sau, sens vin (aï pecaire, paure de nautres!), sens chuc-ni-muc... òc-ben, mas plan acompanhat pel còrs medical:
- S'avètz la demingra, alara, un pauc mai, un pauc mens:
- Per tot problèma de capborditge, caluquitge, refolèri, esquizofrenia, deméncia arboriva, zoofilia anatz veire de ma part l'anchòia:
- Se las cambas vos tremolan, se vòstras extremitats partisson en berigòla tre qu'ausissètz lo cant de l'autbòi o de la bodega es benlèu pas encara lo delirium tremens:
- Se sètz en revòlta permanenta contra tot, per un patin-patan pas res, a jamai e per totjorn:
fasètz lo http://contratotmaspertotes.blogspot.com/

- S'avètz la "gavachiti", tèma rosiganta de metre entre vos e lo Clapàs ofegant, empudessinat e parla-ponchut, la tèrra abandonada dau Larzac, per tornar trapar la redoléncia campèstra e tot lo chuc de nòstra cultura:

   Per tota autra urgéncia, los collègas son a vòstra disposicion dins lo centre Bloguitge mai pròchi d'en çò vòstre. Vos sufís de clicar aquí:  http://bloguitge.free.fr/

   Enfin per vos esperlongar fins a la redobertura, vos pòdi marcar çai-jos, per vos potingar: un cacheton e una pastilheta de bonaür dau professor emerit Joan Maria Petit (Trèus, letras d'òc, 2010):

La luna dins lo topin
lo sorelh a la grasilha
e ma fam de caramilhas.


La vila me pèrd
los bòsques me tròban
la garriga m'esparparissa.

3 commentaires:

  1. aurem de que téner mas despacha te de tornar, ara legissi regularament çò que fasètz a qualques unes...

    RépondreSupprimer
  2. Macarèl, as tot previst ! Levat cossí far per comandar las caramilhas...

    RépondreSupprimer
  3. Lo freg qu'arriba me farà tornar lèu...
    Ailàs, que la caramilha de garriga es la sanflorada dau campairòl.
    N'i pas gaire, pecaire e ne pòdi pas mandar a tot lo malhum...
    La se cal tastar amb sa polida, sos enfants, sos amics mai pròches, lo Sanch-Inhan...
    Li te cal parlar en lenga nòstra per l'atraire dins ta canasta, e puòi...
    Puòi, cal se ne faire una embelida dau cèl de la boca:
    " se causir dins l'asièta una caramilha pichoneta,
    se la metre entre dos caissals,
    e li faire petar la saba!!!"

    RépondreSupprimer