La sesilha venenta del talhièr sauvatge e descabestrat d'occitan en libertat tendrà luòc a Niana (34), tre sèt oras dau vèspre lo dimècres 24 de Novembre. Segon la formula consacrada "venètz e portatz", un quicòm a dire, un quicòm a beure, un quicòm a manjar e partajarem lo tot e lo demai!
Aqueste còp nos retrobarem al local "Viure a Aniana" 12 avenguda de Sant-Guilhèm, en fàcia los pompièrs. Sus la drecha quora sortissètz de Niana per anar a Sant Guilhèm, Puòch Abon, a l'esquerra s'anatz cap a Ginhac. Vos podètz pas trompar i a un barral a l'intrada, una mena d'òrt, lo local es a l'esquerra.
Rementi los subjèctes prepausats ongan per Felip a nòstra reflexion:
- La distorcion de l'espaci-temps a l'apròchi dels traucs negres
- Lo comportament electro-magnetic al dintre de l'escala de Planck
- Lo ròtle del quichal dels atòms dins lo fonccionament d'una estèla a neutrons
- La cultura milenària del manhan en Anatolia orientala e son influéncia sus l'art vièlh dels Ititas
- La vida extra-terrèstra dins las autras galaxias e a la fac Pau Valèri
- La recèpta del fricòt d'escobilhas
Podrem tanben trabalhar amassa sus la revirada collectiva en occitan de l'òbra aparisenquida "des monologues du vagin". Avèm ja avançat sul titol lo còp passat, serà: lo repapitge de la pachòla.
A lèu de vos veire,
N: Pichon rampèl per aqueles qu'an mancat lo còp passat:
Interpretacion fisica:
La constanta de Planck es utilisada per descriure los fenomènas de quantification que se produsisson amb las particulas e que d'unas de sas proprietats fisicas ne prenon sonque de valors multiplas de valors fixas en luòc d'un ensemble continú de valors possiblas. Per exemple, l'energia d'una particula es religada a sa frequéncia
per
Interpretacion fisica:
La constanta de Planck es utilisada per descriure los fenomènas de quantification que se produsisson amb las particulas e que d'unas de sas proprietats fisicas ne prenon sonque de valors multiplas de valors fixas en luòc d'un ensemble continú de valors possiblas. Per exemple, l'energia d'una particula es religada a sa frequéncia
per 
.
es lo moment angular total d’un sistèm e 
lo moment angular dau sistèm mesurat dins una endrechièra que que siague, aquelas quantitats non pòdon prene que las valors :
, avec : 2j = 0, 1, 2, 3, 4, ...
, avec : m = -j, -j+1, ..., j-1, j.
es de còps considerada coma un quantum de moment angular per çò que lo moment angular d'un sistèm que que siague, pagelat al respècte d'una causida que siague particulara d'axe, est totjorn un multiple entièr d'aquela valor.La constanta de Planck reducha aparéis tanben dins los enonciats del principi d'incertèsa de Heisenberg. L’escart tipe d’una mesura de posicion
e aquel d’una mesura de quantitat de moviment del long del meteis axe 
obeisson a la relacion seguenta :
.
es tanben emplegada dins lo sistèm d’unitats dich de las unitas de Planck.Mèfi de pas confondre:
Dins la teoria dels còrs negres, mai que mai per l'expression de la luminància, s'emplègan doas autras constantas de Planck sonadas C1 et C2 :
- C1 = 3,7415×10-16 W⋅m2⋅sr-1, soit C1 = 1 1 905×10-16 W⋅m2
- C2 = 1 4 388×10-2 m⋅K
"- La distorcion de l'espaci-temps a l'apròchi dels traucs negres
RépondreSupprimer- Lo comportament electro-magnetic al dintre de l'escala de Planck
- Lo ròtle del quichal dels atòms dins lo fonccionament d'una estèla a neutrons
..."
Ou ! Alora siau pas (mai?) solet sus aquesto mercat, ben. :D
Es un fisician lo Felipe ? Sabi que li a de cosmologia au clapàs...
Non, es un poèta. Aquò es sonque una galejada per mostrar al mond dau Clapàs que, o cal dire, de còps se la petan e son un pauc cuols-cosuts, que dins lo reire-país avèm lo compronòbis que foncciona plan!
RépondreSupprimerM'estonariái que parlèssem lo 24 de subjèctes tan bèls, mas benlèu pòts venir faire un expausat? (Amai agessèm bona comprenèla dins lo reire-país, caldrà vulgarizar macarèl!)
Ah, naïve que siéu ^^
RépondreSupprimerLo problèma embé l'expausat es qu'un expausat tot solet es un pauc esparciate : es ben de lo ligar embé un débat sus un sujèt de societat o embé un film (cau esperar "Star Wars" revirat en Oc :P ) un libre etc. E ai pas de bona idèia d'un sujèt que a la fès trobi propi interessant scientificament e que pou aver un debat. Es pas impossible, per exemple li a bensai quaucarren de faire sus ITER (enfin aquo es mai per lei marselhés e aupencs). Mais per lo moment ai pas LA bona idèia.
De tot biais podi pas estre embé vautres dins lo middle-west lo 24. E pi pensi que si un expausat es fach sarà a Marselha d'en primièr.
Mais se li a de gents interessats per aquestei questions podon totjorn venir discutar sus mon blog http://scienca.canalblog.com . E li a finda un post especiau per recampar totei vostrei suggestions/questions.
Grandmercé de nos faire assaupre quora auràs l'Idèa qu'aquò pòt èstre interessant. Lo daquòs suls sabres-lasers es prometeire, e seriá benlèu un mejan de faire venir mos dròlles a l'occitan!
RépondreSupprimer